Падарожжа ў гарадок, які называюць беларускай мэкай у Польшчы, пачалося досыць нечакана. За некалькі кілямэтраў да Гайнаўкі рэйсавы аўтобус быў спынены трыма паліцэйскімі машынамі, і ў пасажыраў запатрабавалі “довад асабісты”. А ў бліжэйшым прыгарадным мястэчку ўжо людзі са зброяй у цывільным прымусілі кіроўцу адчыніць багажныя адсекі... Кажуць, тут, у дзесяці кілямэтрах ад Беларусі, такое раз-пораз бывае, калі нехта цішком пераходзіць мяжу...

30-31 жніўня ў беларускім грамадскім цэнтры "Полацак", што ў амэрыканскім Стронгсвілі недалёка ад Кліўленду, прайшла 28-ая Сустрэча беларусаў Паўночнай Амэрыкі. У двухдзённым мерапрыемстве прыняло ўдзел больш за дзьве сотні беларусаў Злучаных Штатаў, Канады, Англіі ды самой Беларусі. Арганізатарамі сустрэчы выступілі Беларускае задзіночаньне Амэрыкі (БАЗА), Згуртаваньне Беларусаў Канады ды Беларуска-Амэрыканскі Грамадскі Цэнтар "Полацак".

Кніга вядомага каталіцкага філёзафа і актывіста Др. Плініё Карэа дэ Алівейры "Рэвалюцыя і Контррэвалюцыя" была напісаная ў 1959 г. і з таго часу перажыла больш дзесятка перавыданьняў па партугальску, італьянску, гішпанску, француску, ангельску, нямецку, румынску, польску. А ўвесну 2008 года ў Менску адбылася прэзентацыя яе першага  выдання на абсягах былога СССР.