Выпуск складанак — гэта своеасаблівы маркетынгавы ход з выдавецкага арсеналу музыкаў і прадзюсераў, які дапамагае пашырыць слухацкую аўдыторыю і знайсці новых прыхільнікаў беларускай музыкі. У той жа час удзел у складанках дазваляе маладым гуртам насамрэч адчуць эфект прысутнасці ў нацыянальным рок-руху, а таксама асэнсаваць свой музычны стыль, узважыць свае набыткі і недахопы ў параўнанні з іншымі выканаўцамі...

Якіх толькі музычных вечарынак, прысвечаных святу Halloween, не зведала наша сталіца ў канцы кастрычніка: тут прайшлі і Halloween Masquerade, і Halloween Fire-Party, і Halloween El Monstro Rave 2009... Гэтую з’яву малпавання чужых святаў нельга назваць вынікам культуртэгерскай палітыкі суседніх дзяржаў. Гэта хутчэй вынік каланіяльнага стану свядомасці арганізатараў такіх "культурных імпрэзаў", а таксама адсутнаці фантазіі і жадання глянуць на культурную спадчыну свайго народа, хоць бы з пазіцыі трэндаў сучаснасці.

Сярэднявечча... Гэта паняцце выклікае супрацьлеглыя і неадназначныя асацыяцыі. З аднаго боку, узгадваюцца жорсткія царкоўныя забароны і полымя інквізіцыі, а з другога – рыцарскія турніры і правансальская паэзія трубадураў. Можна шмат спрачацца наконт таго, наколькі "цёмныя" гэта былі часы ў гісторыі чалавецтва, але відавочна, што сярэднявечная культура, якая існавала на працягу цэлага тысячагоддзя (V-XV стст.), выклікае велізарную цікаўнасць у людзей XXI стагоддзя. Прычым, для сучаснікаў гэтая зацікаўленасць не абмяжоўваецца толькі тэарэтычным досведам – адбываюцца спробы аднаўлення тагачасных культурных традыцый. Дзеля гэтага ладзяцца разнастайныя сярэднявечныя фэсты, адкрываюцца рыцарскія клубы ды інш.